و مش ناسى بلادى اللى بقت اهم حاجة فى حياتى
حسبى الله و نعم الوكيل فيك يا ظابط يللى امرت بقتل اخويا .. و فيك يا عسكرى يللى نفذت الامر زى " البهيمة " و فيك يا حبيب يا عدلى يللى اسمك ملوش علاقة بوصفك
اما راس الحية اللى كان ورا كل ده فكفاية عليه الذل اللى شافه و بيشوفه و ربنا كبير
خلع " المخلوع " و رفع " المرفوع " من حكم مصر هدانا شوية و نسانا
لكن مازلنا نطالب بمحاكمة الوزير و الظابط و العسكرى .. محاكمة اللى خطط و أمر و نفذ
و لكن ..
مش كل ظابط كده
و مش كل عسكرى كده
و اكيد الوزير اللى جاى عمره ما حيبقى كده
الشرطة قبل ما تكون فى خدمة الشعب فهى اصلا من الشعب .. عودوا الى محل عملكم عودوا الى مقر خدمة الشعب " قسم الشرطة سابقا "
و راعو الله و ضمائركم فى اخوانكم و اهاليكم " شعب مصر "
نفسى أشوف ظابط المرور و هوه بيسلم على سواق الميكروباص و بيقوله " الرخص "
نفس احس ان مأمور القسم عاوز يجيبلى حقى كأنه ابويا
نفسى احس ان معاون القسم اخويا
نفسى احس ان عسكرى الأمن المركزى فعلا امن و فعلا مركزى
نفسى لما اشوف الشرطة فى الشارع اطمن
نفسى نظرة الشرطى ليا تبقى نظرة امان و احترام للحرية
نفسى لما اخش قسم الاقى كرسى اقعد عليه الاقى ظابط زى اخويا ألجأ اليه
نفسى متعذبس فى الرخصة و المرور
نفسى متعذبش فى اقسام البوليس عشان واحد ولا واحدة عنده واسطة
يا ظابط يا مخبر و يا امين مش عاوزك تبقى واسطة و لا احتاج ادفع رشوة ده انا غلبان اجيبلك منين ؟
عاوزكم تبقو الوسيط بينى و بين اللى شاكينى او شاكيه .. تصلح بينا و الموضوع تنهيه و لو حكمت القانون يحمينى و يحميه
والله يا حسام دول طلعوا اغلب من الشعب نفسه بس برضه مش قادره استريحلهم تاني اشكالهم اصلا غلط
ردحذفكلهم بلا استثناء كانو بعتمدوا على الرشوة كدخل اساسى يومى
ردحذفمن حقهم مرتباتهم تزيد لان بالفعل الأمن و الصحة اكتر قطاعين فى البلد مستقطعين اللى خلفوهم .. الشعب كله ينعم بأجازاته الا الامن و الصحة .. اكتر ناس بتطحن شغل فعلا و المقابل زهيد و رمزى للغاية
الفرق ان اخلاق الطب بتمنع الطبيب من الرشوة لكن للاسف الاتموسفير بتاع الشرطة و الداخلية بيشجع الفاسد على الرشوة